ब्रेकिंग

विदेश

युक्रेनशी शांतता चर्चेसाठी रशियाचे शिष्टमंडळ इस्तंबूलमध्ये

Samruddhi Dhayagude
16 May 2025

इस्तंबूल : युक्रेनसोबत शांततेच्या चर्चेसाठी रशियन शिष्टमंडळ तुर्कीच्या इस्तंबूल शहरात पोहोचले आहे. रशियन परराष्ट्र मंत्रालयाच्या प्रवक्त्या मारिया झाखारोव्ह यांनी गुरुवारी ही माहिती दिली.

रशियाच्या राष्ट्रपती कार्यालयाने, क्रेमलिनने जारी केलेल्या निवेदनानुसार, अध्यक्ष व्लादिमीर पुतिन यांचा शिष्टमंडळात समावेश नाही. या विधानानंतर पाश्चात्य देशांच्या अधिकार्‍यांनी रशियावर टीका केली आणि म्हटले, की ते शांतता प्रयत्नांबद्दल गंभीर नाही.

क्रेमलिनने सांगितले, की पुतिन यांचे जवळचे सहकारी व्लादिमीर मेडिन्स्की हे रशियन शिष्टमंडळाचे नेतृत्व करतील, ज्यामध्ये इतर तीन वरिष्ठ अधिकारी असतील. पुतिन यांनी चर्चेसाठी चार अधिकार्‍यांची तज्ञ म्हणून नियुक्ती केली आहे.

शांततेच्या चर्चेत रशियाला रस नाही

युरोपीय देश फिनलंडच्या परराष्ट्र मंत्री एलिना व्हॅल्टोनेन उत्तर अटलांटिक करार संघटना (नाटो) परिषदेसाठी तुर्कीच्या अंतल्या शहरात आहेत. त्यांनी आरोप केला, की रशियाला शांतता प्रक्रियेत सहभागी होण्यास रस नाही. आपल्याकडे एक खुर्ची रिकामी आहे, ती म्हणजे व्लादिमीर पुतिन यांची खुर्ची. त्यामुळे आता मला वाटते, की संपूर्ण जगाला हे समजले असून, रशियाला शांतता चर्चेत सहभागी होण्यास रस नाही.